Төмөр замчдын дуу, бүжгийн чуулгын гоцлол дуучин Х.Батмэндийн “Нар дагасан Монгол хүн” цомог, уран бүтээлийн тайлан тоглолтыг ивээн тэтгэв. Мөн Монгол Улсын гавъяат жүжигчин Д.Энхзул, Ц.Эрдэнэцэцэг, Х.Болормаа нарын “Сэтгэлийн гэгээн тойрог” аялан тоглолтыг орон даяар зохион байгуулах менежментийн багаар ажиллаж, хамтран ажиллав.
Эх орноо тойрон аялав
Тайз дэлгэцийн олон бүтээлийг ивээн тэтгэв
“Шинэ байр” реалити шоу , “Ардын авъяастан-2” нэвтрүүлэг, Ододын бэсрэг наадам зэрэг тайз дэлгэцийн олон бүтээлийг ивээн тэтгэж, үзэгч түмэндээ хүргэв.
Бид ахмадуудаа хүндэтгэдэг ариун уламжлалтай
Манай компаниас жил бүрийн цагаан сар болон Монголын ахмадын баярын өдрийг тохиолдуулан Нийслэлийн Баянгол дүүргийн ахмадуудад бэлэг гардуулдаг уламжлалтай.
Лигийн тэмцээн зохион байгуулав
Говь-Алтай аймгийн оюутан, залуучуудын “Ирээдүй-Алтай” холбоотой хамтран сагсан бөмбөгийн ЛИГ-ийн аварга шалгаруулах тэмцээнийг уламжлал болгон зохион байгуулав.
“ЗҮҮДНИЙ ҮРГЭЛЖЛЭЛ”-ийг үзэгчдэд хүргэлээ
Монгол Улсын соёлын гавъяат зүтгэлтэн Ш.Гүрбазарын зохиол, найруулагч Батбаярын бүтээл “Зүүдний үргэлжлэл” уран сайхны киног 30 сая төгрөгөөр бүрэн ивээн тэтгэв. Уг киног “Танайд хоноё” нэвтрүүлгийн оролцогч бүсгүйн бодит амьдралаас сэдэвлэн бүтээсэн бөгөөд киноны орлогоос 10 сая төгрөгийг уг бүсгүйн өнчирч үлдсэн 2 хүүд хандивлав.
Азийн аваргад монголчуудаа дэмжив
Доха хотноо болсон Ази тивийн спортын наадамд оролцох Монгол Улсын баг тамирчдыг ивээн тэтгэв. TV5 телевизтэй хамтран Азийн спортын наадмыг Монголынхоо ард түмэнд шууд дамжуулан хүргэх боломжоор хангаж ажиллав.
Хүн хүндээ хайртай байдаг юм
Хөгжлийн бэрхшээлтэй иргэдэд мөнгөн болон бараа бүтээгдэхүүний тусламж үзүүлэв.
Сайн оюутнуудыг дэмжих дуртай
Онц, сайн дүнтэй суралцдаг, эрдэм шинжилгээ, судалгааны ажил хийдэг, аймаг, бүс, улс, олон улсын чанартай төрөл бүрийн уралдаан, тэмцээнд амжилттай оролцдог, нийгэм, олон нийтийн үйл хэрэгт биеэ дайчилдаг, сургууль, сум, аймгийнхаа нэрийг өргөж явдаг шилдэг 100 шахам оюутанд сүүлийн дөрвөн жилийн хугацаанд 100000-1000000 төгрөгийн сургалтын тэтгэлэг олгов.
Хариу нэхэлгүй туслах сайхан
Төв аймгийн Батсүмбэр дэх Улсын асрамжийн газрын ахмадуудад хэрэглээний эд зүйлс, хүнсний бүтээгдэхүүн бэлэглэв.
Дэмжиж явдаг тамирчид маань дэлхийн аварга болох болтугай
2005 оны уулын дугуйн улсын уралдааны 3 төрлийн алтан медальт, спортын мастер С.Дэлгэрбаярыг ивээн тэтгэж, хувцас, техник хэрэслээр дэмжиж байна.
Бөхчүүд маань улсын цолтон болцгоолоо
“Монгол тамхи СО” компаний бөхчүүдээс Ш.Тогтохбаяр, Ц.Гантулга нар Монгол Улсын начин цол, Б.Дашдаваа, Д.Тангад нар аймгийн арслан цол хүртэж, наадамчин олон, байгууллагынхаа хамт олныг баярлуулав. Манай компани тамирчдаа амжилт гаргах боломжоор бүрэн хангахыг хичээж ажилладаг.
Залуу уран бүтээлчиддээ амжилт хүсье
Залуу дуучин Амарбаясгалан, Нарантунгалаг нарын цомог болон хоёр клипийг ивээн тэтгэв.
Манай хамт олон эвсэг, бас авъяаслаг
Улирал тутамд компаний ажилчдынхаа дунд спортын олон төрлийн тэмцээн уралдааныг зохион байгуулдаг.
